Денешниот час  по македонски јазик со наставна содржина ,,Говорни игри – ЛОТО сообраќајни средства” Iа одделение  го  реализираше во новата ЕКО ГРАДИНА во функција на ЕКО УЧИЛНИЦА.Учениците треба да погодуваат сообраќајни средства според  даден опис на средството.Улогите за опишување и погодување на сообраќајните средства наизменично се менуваа.Целта на часот преку  играта лото учениците да се запознаат со видовите сообраќајни средства беше целосно остварена.

Денешниот час по македонски јазик го одржавме на отворено,во училишниот двор.Наставната содржина е ,,Од збор состави реченица”.

Цел на часот – Да умеат од даден збор да состават реченица.

Учениците се наредени во круг.Првиот ученик кажува збора последниот  од тој збор составува реченица.Потоа последниот ученик  кажува збор вториот составува реченица итн.Секој ученик кажува збор и составува реченица.

Градоначалникот Стефан Богоев и министерката за образование и наука Мила Царовска беа во посета на ООУ "Вера Циривири – Трена" од каде ја промовираа новата услуга за упис на првачиња по електронски пат. Со пофални зборови се говореше за еко – училницата во училиштето и новата која што е во изградба.

„Црвен крст во акција – Промоција на хумани вредности“ е програма на Црвениот крст на Р.Северна Македонија чија цел е промовирање на мирот, толеранцијата, соживотот и помагањето во заедницата во која живееме и привлекување на нови млади волонтери во организацијата на Црвениот крст. Програмата е наменета за учениците на возраст од 13 до 17 години кои имаат желба за прв пат да се вклучат во активностите на Црвениот крст. Со самото вклучување тие имаат задача во мали групи од по 5 ученици да изработат проект за помош во зедницата.

Како и минатата година, така и оваа 2020 година, ООУ „Вера Циривири Трена“ активно ќе се вклучи во оваа програма. Во текот на месец февруари 2020 година преку училишниот клуб на Црвениот крст во училиштето и соработка на стручната служба и одговорните наставници со ЦКРСМ-ОО Карпош беа пратени 8 ученици да учествуваат на трите работилници за обука за изработка на мали проекти за помош во заедницата. По обуките учениците ќе имаат за задача да изработат проект во период од два месеци.

Учениците беа задоволни од учеството во работилниците и во наредниов период ќе се подготвуваат за активностите што ги имаат предвидено со нивната идеја за изработка на проект.

На ден 19 февруари 2020 година во организација на Црвениот крст на РСМ – Општинската организација Карпош, учениците членови на училишниот клуб на Црвен крст при ООУ „Вера Циривири Трена“ Скопје, ја посетија противпожарната станица Тафталиџе.

Целта на посетата беше учениците да се запознаат со секојдневната работа на пожарникарите, нивната опрема, причините за настанувањето на пожари, последиците од пожарите и заштитата и превенцијата од пожари. За време на посетата пожарникарите демонстрираа употреба на опремата, а исто така учениците имаа можност да пробаат да ја користат. На крајот од посетата следеше фотографирање со облекување на пожарникарска униформа.

На оваа активност учествуваа 30 ученици од четврто до деветто одделение од ООУ „Вера Циривири Трена“ заедно со ученици од ООУ „Ѓорче Петров“, ПСУ „Максимилијан“ и волонтерите од Клубот на млади на ЦКРСМ-ОО Карпош.

На денешниот прекрасен есенски ден – 26.11.2019, група на ученици од ООУ “Димо Хаџи – Димов” заедно со нивната наставничка Благородна Спировска го посетија нашето училиште со цел одржување на предавање по предметот Унапредување на здравјето. Тие одржаа предавања како дел од врсничка едукација со тема Алкохолизам пред нашите ученици од деветто одделение кои пријатно ги дочекаа своите врсници заедно со наставничките Дивна Карапанчева и Гордана Ѓоргиевска. По успешната презентација, наставничката по Биологија од нашето училиште Дивна Карапанчева ги отвори вратите на ново изградената стаклена градина во школскиот двор која е всушност еден од многуте успешни проекти на нашето училиште. Учениците имаа можност да ја посетат градината и да се запознаат со истражувачката работа на Биолошката секција при нашето училиште.