Category Archives: Активности
Новинарскиот клуб со нови средби
На 20.12 на средба со членовите на Новинарскиот клуб “Студио на Новинарските ѕвезди” овојпат гостуваше Сребра Ѓорѓиевска, долгогодишен новинар и еден од креаторите на порталот УМНО.мк. Таа ја водеше работилницата “Портали”! Со членовите од нашиот клуб зборуваше, за тоа што претставува е порталот, за новинарската професија во 21- век, како се прави, и уште многу прашања кои љубопитните новинарчиња од клубот структурирано и ги поставуваа.Нашата гостинка ги запозна, упати и им даде основни технички информации и насоки за поимите, техниките и некои од Новинарските тајни. Работилницата имаше и интерактивен карактер каде младите новинари учеа како да состават вест и осврт. Со оваа активност, која е последна од оваа календарска година, ви посакуваме, поубави вести во Новата 2024, убави празнични денови. А, ние ви се јавуваме веќе во Јануари со нови и интересни содржини. Следете ја следната активност на Новинарскиот клуб”Студио на новинарски ѕвезди”!
Уште една успешна активност на Новинарскиот клуб
Членови од Новинарскиот клуб “Студио на новинарски ѕвезди” денеска на вистински поткаст!
Да видиш насмевка на лицата на дечињата, е благослов кој ретко кој го доживува, имам голема среќа,✨🪄денеска денот беше токму таков, среќен, насмеан,весел,едукативен, распеан,сончев.Полн со насмевки и спомени кои ќе останат!🌻🌟🌞
Дел од членовите на Новинарскиот клуб на покана од Јуроп Хаус ПОТКАСТ со Тамара РИСТОВСКА, беа на снимање на денешните гости Дритон Вејсели(Таљат од Преспав) и Ана Стојановска (“Кајмак” и др.), актери но, овојпат како дел од емисијата “Радиус”.🎤🎬📹
🪄Учевме на лице место, а по снимањето, фото сесија со тројцата актери, и секако зачинето со песна од златното грло на Нела М.
Благодарност до
https://www.facebook.com/EuropeHouseSkopje
Tamara Ristoska, логистичката поддршката од мама Мими❤️
НОВА АКТИВНОСТ НА “СТУДИО НА НОВИНАРСКИ ЅВЕЗДИ”
На 4.12 на средба на членовите на Новинарскиот клуб “Студио на Новинарските ѕвезди” им гостуваше Тамара РИСТОВСКА, актерка и ПОТКАСТ водител. Таа ја водеше работилницата “ПОТКАСТ, што е ПОТКАСТ, како се прави, зошто ПОТКАСТ интервју!” во која ги запозна, упати и им даде основни технички информации и насоки за реализирање на истите на членовите на клубот.На работилницата се импровизираше ПОТКАСТ интервју, а гостинката помогна во концепцијата и формирањето на прашањата и целиот сет на поткастот. Следете ја следната активност на Новинарскиот клуб”Студио на новинарски ѕвезди”!
Продолжуваме со работилниците од родител за родител
Продолжуваме со работилниците од родител за родител. На 22 ноември родителката Соња Китановска- Кимовска сподели искуства, техники и препораки на тема: Пробиј ја шифрата – што се крие зад однесувањето на детето и како да се справам? Пријатната атмосфера и комуникација придонесе кон поддржување на родителите при решавање конкретни предизвици во родителството. Со нетрпение се очекува следната средба.
“Заедно во акција за селектирање ,реупотреба, рециклирање,и компостирање”
На ден 06.12.2023 во организација на Центар за ресурси во животната средина се спроведе работилница за четвртоодделенците на тема: “Заедно во акција за селектирање ,реупотреба, рециклирање,и компостирање”. Учениците се запознаа со правилните начини на селектирање и рециклирање на отпад.
Карпош е првата скопска општина во чии рамки функционира Центарот за поддршка на децата со попреченост и нивните родители
Висока делегација на Светска банка предводена од потпретседателката за Европа и Централна Азија, Антонела Басани, директорката за Западен Балкан, Шаочинг Ју, како и директорот за Северна Македонија и Косово, Масимилијано Паолучи, минатата седмица го посетија „Центарот за поддршка на деца со попреченост и нивните семејства – МоПи“. Работните простории на оваа установа се наоѓаат во состав на ООУ „Вера Циривири Трена“ во општина Карпош.
Во рамките на оваа посета беше одржан состанок на кој присуствуваа градоначалникот Стевчо Јакимовски, преставници на Македонското Монтесори здружение кое е лиценциран давател на услугата, родители на деца кои ја користат услугата, како и студенти од Институтот за специјална едукација и рехабилитација, кои го користат Центарот „МоПи“, како научна база за реализација на дел од практичната настава. Во оваа пригода, градоначалникот Јакимовски го истакна своето задоволство што Карпош е единствена општина на територијата на градот Скопје, која обезбедува ваков вид на поддршка за децата со попреченост и нивните семејства. Локалната самоуправа континуирано работи на подобрување на услугите насочени кон оваа ранлива категорија на граѓани, со што се согласија и родителите кои беа присутни на средбата.
Преставниците од Светска банка ја поздравија оваа иницијатива, која се реализира преку Проектот за подобрување на социјалните услуги. Имено, овој Проект го спроведува МТСП во чии рамки беше формиран и „Центарот за поддршка на деца со попреченост и нивните семејства – МоПи“, кој обезбедува индивидуално дизајнирани услуги, според потребите на секое дете а воедно го подобрува и квалитетот на живот на нивните семејства. Оттука, потпретседателката на Светска банка за Европа и Централна Азија, Антонела Басани, ја посочи оваа установа како успешен регионален модел кој треба да послужи како пример за поттикнување и на другите општини, да обезбедат сеопфатна услуга за децата од оваа категорија и за нивните семејства.
Одбележување на денот на лицата со потешкотии
Учениците од нашето училиште секогаш подготвени да помогнат на лицата со потешкотии. Денешниот ден го посветивме ним.
Посета на Саемот на креативни индустрии организиран од страна на Балкан Синема Ситис
На 28 ноември, група ученици од нашето училиште го посети Саемот на креативни индустрии организиран од страна на Балкан Синема Ситис. Со голем интерес и уживање беа проследени работилниците за цртање на стрип, за изработка на терариуми како и работилницата “Биди мал научник’’. Учениците беа анимирани од самите изложу вачи преку презентации и интересни активности.
Награди по повод празникот Св.Климент Охридски
По повод празникот Св.Климент Охридски кој се празнува на 8-ми Декември, Библиотеката "Браќа Миладиновци", објект Другарче, објави литературен конкурс со тема: " Иднината од моите соништа". Како и секоја година така и оваа, учество земаа и ученици од нашето училиште и се закитија со награди.
Прво место(поезија) Марта Караева, 8-б, две втори места за ученичките Ангела Стојаноска од 7-б, и Миа Ромева 8-б исто за поезија, под менторство на проф.м-р Матилда Бајкова, и три трети места (поезија), Леонтина Илиќ 9-а, Илина Милановска 9-а, и Донка Китанова 6-б, ментор Ана Кралевска.
Традиционално на овој настан настапија членовите на Драмската секција "Глумци од утре" од ООУ Вера Циривири -Трена, со различни точки, едночинката "Озборувачки", текст на Татјана Гогова, и ритмичка точка -Винтиџ денс, како и соло музички настап на Нела Манчевска со песна од Александра Јанева"Еве ме пак". Драмската секција е под водство на проф.м-р Матилда Бајкова.
Честитки до сите ученици од нашето училиште и менторите.
Формирање на Новинарски клуб во нашето училиште
Во текот на месец Ноември на апликацијата за формирање Новинарски клуб во училиште се јави и нашето училиште. Со позитниот одговор почна една нова приказна за медиумската култура и писменост на учениците. Проектот е на УСАИД и носи наслов "Младите размислуваат поддржан од IREX, МИМ, МОН И БРО.
Се одржа и дводневна обука за координаторот на Новинарскиот клуб, за техниките, начинот и организација на активностите на истиот. Координатор од нашето училиште е наставникот по македонски јазик и литература, м-р Матилда Бајкова, која и претходно водеше вакви активности.
Кога децата се водат од креативноста и знаењето доаѓа во истовреме. Со среќа на младите новинари!!!
Честитки за Новинарскиот клуб!!!
