ООУ Вера Циривири - Трена

Магично, радосно, распеано и возбудено ја испративме старата година. Со насмевки и игра, нашите ученици ни ветија радости, среќа и успеси во Новата 2025.

Денес,на гости во нашето училиште,беше писателката Ана Салтирова Давидовски која ни одржа работилница за благодарноста и не потсети колку е важно да бидеме благодарни,среќни и да научиме дека малите работи се оние кои ја градал личноста.

Во магичниот месец, месец декември со радост ја испративме на едно неверојатно патување нашата Буба . Се надеваме дека со раширени раце ќе ја пречекаат нашите другарчиња од ООУ Рампо Левката од Прилеп и ќе минат пријатни читачки денови со неа. Со нетрпение ќе очекуваме Буба да се врати со тетратка полна со илустрации и текстови за нејзините доживувања.

Во период од 28 ноември до 1 декември 2024 година во Велика Горица се одржа 7ма Регионална конференција под мотото “Светот на образованието ги брише границите”. На истата учествуваа повеќе од 200 наставници, професори, воспитувачи и образовни лидери од шест земји вклучувајќи ја и наставник ментор Дивна Карапанчева. Целта на конференцјата е да ги инспирира и поврзе наставниците од различните земји на Балканот поттикнувајќи ги на меѓусебна соработка и разменување на образовни практики и идеи. Во четирите дена од Конференцијата учесниците имаа прилика да следат инспиративни предавања од странски  стручнаци од различни образовни области. Исто така, имаа можност и да разменуваат искуства и идеи преку работилници , панел дискусии, но и да ги промовираат своите наставни практики и идеји на Саемот на образованието. 

На саемот наставничката Дивна учествуваше со свој сопствен штанд промовирајќи ја нашата Дигит Био Градина каде преку интерактивни дигитални алатки прикажа активности од стаклената градина. Беше и дел од тимот од Македонија под името Екоемпатија, кој го освои највисокото место. 

Овогодинешната конференција ја завршивме успешно со низа сертификати и дипломи, додека 2025 година се гледаме во Охрид на осмата конференција!

Традиционално Драмската секција “Глумци од утре”, настапија со своја претстава која ја поставија на текст од Ванчо Полазаревски од неговото дело “Сештологија”, пиеската беше со интересен наслов “Васко де Гума”, па соодветствуваше на овогодинешната тема на конкурсот “Приказни од училишната клупа”, и овојпат маестралната изведба на нашите Глумци измами многу аплаузи и насмевки. Голем поклон за нашите актери. Следат Новогодишни изненадувања од Драмската секција “Глумци од утре”! Следете не’. Ментор и координаторот на секцијата -м-р Матилда Бајкова