ООУ „ВЕРА ЦИРИВИРИ ТРЕНА“

Гордост за ООУ „Вера Циривири-Трена“! Дарјан Мирчевски ја претставува Македонија на Јуниорската Балканска Математичка Олимпијада! 🧮🇲🇰

​Нашиот извонреден математичар Дарјан Мирчевски од IX-б одделение е дел од официјалната шестчлена македонска репрезентација која овие денови ја претставува нашата држава на престижната Јуниорска Балканска Математичка Олимпијада (ЈБМО 2026). Овој голем меѓународен натпревар се одржува од 15 до 20 Јуни 2026 година во Бузау, Романија 🇷🇴.

​Овој историски успех е круна 👑 на неговите блескави настапи во изминатиот период – најпрво со освоеното високо 5-то место на Јуниорската Македонска Математичка Олимпијада (ЈММО), а потоа и со потврдата на неговото знаење на Изборниот тест на ПМФ, каде се пласираше на 5-тото место во државата и го запечати своето место во елитниот олимписки тим.

​Ваквиот резултат е директен плод на неговата деноноќна посветеност, упорност, исклучителен логички капацитет и вистинска љубов кон математиката 🧠.

Да се избори место меѓу најдобрите млади математичари во целата држава е вистинско признание за неговиот долгогодишен труд, како и за стручната поддршка од неговиот ментор 🎓.

​Дарјан, целиот колектив и учениците од ООУ „Вера Циривири-Трена“ ти посакуваат многу успех, остар ум, сигурност и одлични резултати во Бузау! Веруваме во твоето знаење и од срце навиваме за тебе! 🍀👏🚀