Едукативни работилници 2а и 2б одд
На 26 Февруари во нашето училиште се одржаа едукативни работилници со учениците од 2а и 2б одделение, во рамки на проектот Cutting Carbon реализиран од Еко Логик во соработка со Општина Карпош.
Преку интерактивни разговори учениците имаа можност да научат што е клима и што значат климатските промени, зошто дрвјата се нашите тивки херои и како тие придонесуваат за почист воздух, регулирање на температурата и поздраво животно опкружување. Посебен акцент беше ставен на почвата – темелот на секој раст, дом на безброј живи организми и клучен ресурс за целиот екосистем.
Благодарност до тимот на Еко Логик за интересната и инспиративна едукативна активност која ги поттикна нашите ученици да размислуваат за заштитата на животната средина.
Поврзани содржини