ООУ Вера Циривири - Трена

Во следниот период во нашето училиште ќе се одржи интерна обука за зајакнување на професионалниот развој на наставниците. Обуката Организирање на иновативни воннаставни активности ќе има за цел преку практични примери да ги посочи наставниците кон организирање на активности каде учениците преку критичко размислување ќе ги надополнуваат своите знаења. Наставникот ментор Дивна Карапанчева своето искуство ќе го сподели како обучувач и организатор на оваа обука. Обуката ќе се одржи во Стаклената градина во дворот на нашето училиште.

Големата несреќа што ги погоди Турција и Сирија, не’ поттикна на заедничка активност со збратименото ООУ”Братство”. На 23.02. реализиравме  МИО работилница во нашето училиште под мотото: “Подај рака, подари насмевка.” Со тоа учениците подадоа рака на Поддршка на своите другарчиња во Турција и Сирија.

ЖИРО СМЕТКА ЗА ПРИБИРАЊЕ ПАРИЧНИ СРЕДСТВА ЗА НАСТРАДАНИТЕ ВО ЗЕМЈОТРЕСИТЕ ВО ТУРЦИЈА И СИРИЈА

Денес учениците од IX одд заедно со наставничката Дивна Карапанчева , на часот по биологија го искористија сончевиот ден  за истражување на живиот свет во нашата  животна средина со одредување  на точниот број на живите организми.  За таа цел учениците користеа   самостојно изработена  квадратна рамка.

ЖИРО СМЕТКА ЗА ПРИБИРАЊЕ ПАРИЧНИ СРЕДСТВА ЗА НАСТРАДАНИТЕ ВО ЗЕМЈОТРЕСИТЕ ВО ТУРЦИЈА И СИРИЈА

Денес 25.02.2023 година во соработка со родител  дипломиран фармацевт,  учениците од IIIв одделение имаа можност да се запознаат со професијата  фармацевт. Родителката Иванка Георгиевска на учениците од ова одделение им одржа интерактивно предавање  на тема:,,Професија фармацевт" .
Учениците покажаа особен интерес и активно учествуваа во дискусијата на дадената тема. Преку дадени клучни зборови тие денес научија:
-Што е професија,
 фармацевт,
-што е лек и за што и како правилно да  се користи,
-каде се одвива производство,а каде издавање на лековите,
-во кои се области може да работи фармацевтот,
-кои се правата и должностите на еден фармацевт,
-како може да се стане фармацевт.
Во текот на предавањето учениците беа вклучувани во дискусија ,во која ги презентираа нивните предзнаења и лични искуства на темата,а на крајот имаа можност да поставуваат прашања и  добија некои клучни пораки од фармацевтите.
Се надеваме дека поттикнати од ова интересно предавање ќе развиеме желба и мотив кај учениците за избор на оваа професија  и дека од нив во иднина ќе се "роди" некој иден фармацевт.

Денес 01.02.2023 година во соработка со родител-стручно лице од Полициската  станица – Карпош, се одржа предавање пред учениците од IIIв одделение на тема: Безбедноста на децата во и надвор од училиштето,, и ,,Позитивни и негативни страни на интернетот и насилство преку социјалните мрежи,,. Учениците покажаа особен интерес и активно учествуваа во дискусијата на дадената тема.

По повод одбележување на Недела  на забоздравствена заштита, учениците од III a одделение реализираа работилница во соработка со родител,детски стоматолог д-р Елена Новеска. Учениците земаа активно учество ,научија многу работи за грижа за сопственото орално здравје, а на крајот добија и подароци.

Креативна работилница -План за потикнување читачки навики кај младите.Благодарност до Сказнувалка кои го посетија ООУ"Вера Циривири-Трена " и младите читатели од Va  и V б одделение , и им презентираа детска литература од странски автори преведени на македонски јазик.Учениците уживаа во текстовите од книгите , активно учествуваа во анализа и обработка на прочитаното. Целта на работилницата беше негување на љубов кон книгата и читањето ,потребата на книгата во растењето на децата и нејзината огромна моќ во едукација, осознавање и креативност.

По повод месецот на штедење- октомври, Шпаркасе Банка заедно со Медо Штедо, ги посетија првачињата од ООУ,, Вера Циривири- Трена” и им дадоа корисни совети за штедење преку претстава и делење подароци.